Linn LM-1

LM-1 Drum Computer, produsert av Linn Electronics Inc., var den første trommemaskinen som nytta digital sampling av akustiske trommer. Han vart laga av Roger Linn, og var òg ein av dei første programmerbare trommemaskinane. Han vart lansert tidleg i 1980 og kosta kring $5 000 då han kom ut, og seinare tusen dollar billigare før etterkomaren LinnDrum kom ut. Han vart godt likt av musikarar på grunn av den karakteristiske lyden, og kan høyrast på innspelingar av kjende artistar som Prince, Michael Jackson, The Human League, Peter Gabriel, Kraftwerk og mange andre popartistar i 1980-åra.